Davao City – Ginasugdan na sa Commission on Elections (COMELEC)-XI ang pagprinta sa listahan sa kwalipikadong mga botante sa Davao Region alang sa Barangay ug Sangguniang Kabataan Elections (BSKE) sa Oktubre 30, 2023.
Sa interbyu sa DXDC RMN Davao kang Atty. Gay Enumerables, tigpamaba sa COMELEC-XI, iyang gisulti nga aduna usay COMELEC offices nga padayon pang nagasapinal sa ilahang Precinct Computerized Voters List (PCVL).
“Ang uban nag-start na og printing. Ang uban lang nga offices, naa pay mga script, naa pay mga changes nga i-correct sa ilahang list,” matud ni Enumerables.
Subay sa COMELEC Calendar of Activities, sa August 28, 2023 hangtud September 2, 2023 naka-schedule ang filing sa Certificate of Candidacy (COC). Magsugod usab sa August 28, 2023 hangtud November 29, 2023 ang election period ug implementasyon sa gun ban.
Samtang gitakda ang campaign period sa Oktubre 19-28, 2023.
RadyoMaN Kirby Manzon
Facebook Comments
