Davao City – Maghimo og surprise inspection ang Commission on Elections kun COMELEC XI subay sa “Oplan Baklas” operation sa comelec sa pagsugod sa Brgy. ug SK election Campaign.
Sa pakighinabi sa DXDC RMN Davao kang COMELEC XI spokesperson Atty. Mohammad Omar, gibutyag niini nga mag-monitor sila sa pagsugod sa kampanya karong adlawa, Mayo 4 ug sutaon og aduna bay milapas sa mga balaod nga gipatuman sa ilang buhatan.
Panawagan niini sa tanang mga kandidato nga sundon ang mga balaod sa COMELEC ug mamahimong maayong ehemplo sa ilang mga constituents.
Gani nagpahinumdom usab kini sa mga posters nga ipangpilit subay sa kampanya nga dili magpataka og butang niini tungod adunay mga designated areas nga alang lang sa ilang campaign posters.
Matud ni Atty. Omar, bawal magbutang og posters sa poste sa kuryente, punuan, waiting shed government facilities nga walay labot sa designated areas.
Og ugaling adunay mamatikdan ang katawhan nga misupak niini, mamahimong musumbong gilayon ug makigkoordinar sa COMELEC aron maaksyonan.
RadyoMaN Renz Barbarona
