Davao City- Mu-resume karong Oktobre 11, 2021 ang voter registration sa Commission on Elections (COMELEC) Davao office ug matapos kini sa Oktobre 30, 2021.
Gilagdaan niadtong nakalabayng semana ni President Rodrigo Duterte ang Republic Act No. 11591 sa pag-extend sa deadline sa voter registration alang sa 2022 elections.
Sa interbyu sa RMN Davao kang 2nd District Election Officer Atty. Mohammad Fyzee Alim, nagpahimangno kini sa mga muparehistro nga dili na maghulat pa ug magdasok sa deadline.
Abli ang COMELEC office gikan alas-8:00 hangtod alas 5:00 sa hapon para sa voter registration apan walay weekend registration gawas nalang sa Oktobre 30, 2021.
Magpatuman gihapon og queuing o priority numbers ang buhatan aron makontrola ang mga tawo ug masunod ang physical distancing sa kada distrito sa COMELEC Davao.
RadyoMaN Aimee Guinita
