COMELEC XI wa pa’y namonitor nga election hotspot sa Davao Region

Davao City- Wa pa’y na-monitor ang Commission on Election Davao Region (COMELEC XI) nga mga hotspot area sa rehiyon onse alang sa taliabot nga Barangay ug Sangguniang Kabataan Election karong buwan sa Oktubre 30,2023.

Atol sa Afp/Pnp Press Corp nga gipahigayon sa Mandaya Hotel karon lang buntag, gikanayon ni COMELEC XI Assistant Regional Director Atty.Gay Enumerables nga wala pay gihatag nga listahan ang Police Regional Office Eleven (PRO XI) nga mga lugar sa Davao Region nga makonsiderang hotspot karong piniliay sa Barangay ug Sangguniang Kabataan sa sunod bulan.

Matod ni Enumerables nga karong Agosto 22,2023 pa matigayon ang pinaka- unang coordinating conference sa COMELEC, PRO XI, ug sa 10th Infantry (Agila) Division ug nianang panahona pa mahisgotan ang mahimong sitwasyon sa mga lugar sa rehiyon onse.

Ning kasamtangan, nahuman na sa COMELEC XI ang beripikasyon, sertipikasyon, ug pinal nga sealing of voter’s list ug gani natigayon na ang first shipment sa augmentation sa yellow ballot boxes, forms ug uban pang supply nga gamiton alang sa pagduso og sertipiko sa kandidatura sa tanang mga aspirant candidates.

RadyoMaN Joel Viray