Sa interbyu sa DXDC RMN DAVAO News team kang COMELEC XI Assistant Regional Director Attorney Gay Enumerables nga mituman ra ang mga kandidato sa mando sa ilang buhatan nga wa’y magpaskin og poster ug paraphernalia sa bisan asang dapita sa ilang Barangay.
Suma ni Enumerables nga atol sa pagduso sa ilang COC sa miaging semana, gipasidan-an na daan sa COMELEC offices ang mga kandidato labot sa sayo nga pagbutang og materyales sa kampanya sama sa poster busa wa’y nabantayan ang COMELEC nga dunay gibitay ug gipaskin nga mga paraphernalias hilabi na sa kasadpang bahin sa dakbayan.
Gipasabot ni Enumerables nga magresulta sa diskwalipikasyon sa kandidato ang pagtaod og poster sa mga pampublikong lugar sanglit bayolasyon na kini sa pre-campaigning.
Bisan paman og wa’y mga paraphernalias makita sa mga pampublikong lugar nag-andam gihapon ang COMELEC XI sa paglusad og Operation Baklas nga ikasa sa dili mahibaloan nga adlaw.
RadyoMaN Joel Viray
