Davao City- Nagpagula ang Commission on Elections (COMELEC) og show cause order alang sa dul-an 100 ka mga kandidato sa Barangay and Sangguniang Kabataan (BSKE) 2023 tungod sa premature campaigning.
Ug subay niini, nahinabi sa DXDC RMN Davao si COMELEC XI Spokesperson Atty. Gay Enumerables ug iyang giklaro nga sa gatusan ka mga kandidatong muatubang sa diskwalipikasyon, wala’y natala niini nga taga Davao Region.
Dugang pa niya nga kung mahitabong naay kandidato nga makalapas sa election guidelines, alerto ug andam ang ilang buhatan sa pagpahamtang og silot batok kanila.
Kanunay pahinumdom sa COMELEC nga ang legal nga pagpangampanya magsugod sa Oktobre 19 ngadto sa 28 ug sa oras nga mapamatud-ang aduna’y naga premature campaign ug gapamalit og boto, mapahamtangan og petition of disqualification o pasakahan og kasong kriminal ang kandidato.
RadyoMan Ivy Parido
Facebook Comments
