Katarungan ni Col.Comia nga protocol na nga dili ipahibalo sa publiko kon dunay ipahigayon nga simultaneous exercise ang security cluster nga gilangkuban sa Davao City Police Office, Task Force Davao, Public Safety and Security Command Center, ug uban pang law enforcement units nga apil sa simex.
Giingon ni Comia, gituyo nila nga wala gi-anunsiyo ang simex aron ilang makita kapaspason sa pagresponde sa mga otoridad ug makita sab nila kon unsay mahimong reaksiyon sa publiko ugali mahitabo pag-usab ang terorismong pag-atake hilabi na ang mga terorista dili mahibaluan kanus-a mamomba sa dakbayan sama sa nahitabo sa twin bombing Sasa airport ug Sasa Wharf diin ang pinakabag-o mao ang Roxas Night Market bombing.
Hinoon nasabtan ra sa opisyal ang batikos sa mga tawo labot sa natigayong simultaneous exercise sa pipila ka lugar sa nakalabay’ng mga adlaw.
Busa gilaraw karon sa TF Davao Commander nga sa sunod nga SIMEX ila nang ilambigit ang katawhan.
Gigradohan ni Comia og 9 out of 10 ang baguhay lang nga nahuman nga Simex sanglit kuwang ug hinay ang kumonikasyon sa mga mga otoridad.
Kahinumdoman, miani og managlahi nga reaksiyon ug batikos gikan sa publiko ang SIMEX gumikan sa kakuwang pahibalo sa mga tawo hinungdan daghan ang nangakurat atol sa maong kalihokan.
RadyoMan Don Pulayao
