Roxasx City, Capiz – Suspendido sa gihapon ang domestic kag commercial flights sang tanan nga airline companies sa pila ka mga lugar nga sakop sang Western Visayas.
Sa ginpaguha nga advisory sang Civil Aviation Authority of the Philippines ukon CAAP as of June 21, 2020, wala gin-aprubahan sang National IATF ang gin-propose sang mga airline companies nga magbalik sang domestic operations kag ginmandu-an man ang mga ini nga mag-untat anay sa pagbaligya sang tickets.
Samtang sa Western Visayas, resume na ang operasyon para sa pagbaton sang commercial flights sang Iloilo International Airport matapos ini ang gin-isyuhan sang clearance sang LGU samtang kalakip ang Roxas City Airport sa mga listahan sang mga LGUs nga wala sa gihapon ginatugotan ang commercial flights, as of June 21, 2020.
Sang ginpakig-angutan ang Civil Aviation Authority of the Philippines(CAAP), ginsiling sang Information Officer nga si Mr Arjay Villarde nga sa subong padayon ang ila nga simulation exercises para sa new normal operation sa Roxas City Airport sa tion nga magbalik na ang flight.
Sa subong, special flights pa gid lamang nga ginapatigayon sang provincial government ang nagahugpa sa Roxas City Airport
