Davao City – Gitionan og armas ang usa ka commercial sex worker ala 1:30 sa kaadlawon sud sa usa ka inn sa may dalang Legaspi ning syudad.
Subay sa report gikan sa San Pedro PNP naila ang complainant nga si alyas Marie nga taga Bucana ning syudad samtang ang suspek mao si Joseph Verano, 28 anyos nga taga Jerome Ext. R-Castillo Davao City.
Matod pa samtang nag uban ang duha kalit nga mibunlot ang suspek sa iyang pusil dayon gitionan si Marie.
Milabay ang pipila ka minuto na misplace sa suspek ang iyang armas hinungdan nga naaalarma kini.
Timing ra usab nga adunay milabay nga mga sakop sa kapulisan sa maong dalan ug didto gikapkapan ang suspek ug nakuha kaniya ang .45 nga pistola.
Daling gisikop si Verano ug giendorso sa kapolisan ug posible kining mag atubang og kasong illegal possession of fire arms and ammunition ug kalapasan sa election gun ban.
RadyoMaN Don Pulayao
