Ginsuguran na sang Commission on Human Rights ukon CHR ang ila imbestigasyon angut sa pagkapatay sang 23 anyos nga Ilonggo nga gin-aresto sa anti-loitering operation sa Quezon City.
Suno kay CHR Chairman Chito Gascon, gina-usisa na nila ang kaso ni Genesis “Tisoy” Argoncillo nga napatay sa prisuhan matapos gin-aresto ini bangud wala sang suksok nga pang-ibabaw sa guwa sang ila balay.
Nagapati suno sa iya ang pamilya sang biktima nga ginkastigo kag ginlampusan si Argoncillo kabangdanan nga napatay ini apang ginpamilit sang mga pulis nga napatay ini bangud sa kabudlay sa pagginhawa.
Ginpahayag ni Gascon nga handa sila maghiwat sang autopsy agud mahibaluan ang kabangdanan sang kamatayon ni Argoncillo.
Samtang ginrelieve na ang lima ka pulis lakip na ang station commander sang Quezon City Police Office.
Ginkasuhan naman sang murder ang duha ka priso nga ginatudlo nagkastigo kag nagpatay kay Argoncillo.
