Nagpaguwa na sang Calendar of Activities ang Commission on Elections para sa SK kag Barangay Election nga natalana sa Oktubre 23 sini nga tuig.
Ginpahayag ni Election Assistant II Jonathan Sayno sang City Comelec nga padayon ang pagpanghanda sang Commission para sa nasambit nga pinili-ay samtang wala pa sang kasuguan nga nagamandu nga ipaiway ini.
Ginhatagan pagtamod ni Sayno nga apisar may mga tikang nga ginahimo ang kongreso para sa postponement sang SK kag Barangay Election apang padayon ang ila preparasyon tubtub wala pa sang maathag nga laye para diri.
Suno sa iya wala pa sila sang balasehan nga ipaiway ang eleksyon kabangdanan ginakabig nila nga dayon ang eleksyon sa Oktubre.
Bangud sini, nagpaguwa ang Comelec sang calendar of Activities kon sa diin nasaad diri nga sa Setyembre 23 tubtub 30 amo ang filing sang Certificate of Candidacy para sa mga magapadalagan sa pagka-barangay kapitan kag mga kagawad subong man sa pagka-SK chairman kag mga SK kagawads.
Natalana naman ang kampanya sa Oktubre 13 tubtub 21.(sspunay)
