Ya dale warning el hefe del Ahensya de Aduana (Bureau of Customs) Commissioner Isidro Lapeña con el mga empleyado del BOC aqui na ciudad de Zamboanga para termina ya el diila coneccion con el mga smugglers aqui na rehiyon.
Este el warning de Lapeña durante el junta que ele ya hace con el mga de mismo ahensya cuando ele ya visita na ciudad del otro dia.
Si Lapeña ya abla cay chene ele ta recivi reports cay chene del cuatos empleyao del BOC aqui na ciudad chene coneccion y conose mga smugglers que ta opera mismo aqui na ciudad y este el ta mira ele uno del mga rason porque ya queda rampante el actividades de technical smuggling aqui na ciudad.
Asegun con Lapeña, hinde le man alanganin planta caso y man-dismiss na trabajo con algun personajes del BOC que fuede identifica imbuelto na smuggling activities aqui na ciudad.
Apelo Tambien disuyo con el myembros del media local para avisa conele si chene algun informaccion sila ta sabe aserca el participaccion del BOC personnel na smuggling activities aqui na ciudad. – *Bhong Simbajon/RMN News*
