Davao City – Girekomenda karon sa Department of Agriculture (DA)-XI ang pagbaton og communal hog raising kun pagbuhi og baboy sa usa lang ka lugar kun dako nga piggery diha sa barangay.
Sa interbyu sa DXDC RMN Davao kang Noel Provido, Spokesperson sa DA-XI, gibutyag niini nga makatabang ang communal hog raising aron mamonitor ang mga baboy batok sa unsa mang balatian sama sa African Swine Fever (ASF).
“We are proposing kanang communal hog raising nga ang farmers sa usa ka village o usa ka barangay, pwede naa silay dako nga piggery didto nila ibutang ilang mga baboy, makatabang siya for biosecurity,” saysay ni Provido.
Saysay ni Provido nga sa communal hog raising, mamonitor ang pagpakaon ingon man ma-trace ang nagasulod sa area. Makatabang usab kini aron mabantayan ug mahatagan gilayon og solusyon ang problema o balatian nga masinatian sa hayop.
RadyoMaN Kirby Manzon
