Ilawom sa ordinansa, sumala pa ni Melodina Babante, Coordinator sa Tropical Disease Prevention and Control Division sa CHO, ang magmalapason makabayad og P1,000 ug duha ka oras nga community service alang sa first offense. Penalty nga P3,000 ug 4 ka oras nga community service ang ipahamtang sa second offense samtang P5,000 ug upat ka oras nga community service alang sa third offense.
Pakusgan sab sa buhatan ang simultaneous clean-up drive sa mga barangay matag ikaduha ug ikaupat nga byernes sa bulan.
Gibutyag ni Babante nga kini ang ilang paagi aron matabangan ang komunidad nga batokan ang dengue ilabi na nga anaa sa 6, 252 ang kaso niini sa 2023 nga mas taas kung itandi sa 3, 758 niadtong 2022.
Misaka sab ang ihap og nakabsan sa kinabuhi tungod sa dengue ngadto na sa 51 kumpara sa 21 niadtong nakalabay nga tuig.
Subling nagpahinumdom ang CHO nga sundon ang kampanya batok dengue pinaagi sa 5S strategy nga mao ang musunod: Search and destroy mosquito breeding sites, self-protection o paggamit og insect repellents, seek early consultation sa pinakaduol nga health care facility, support fogging, spraying, and misting sa hot spot areas ug sustain hydration.
RadyoMaN Ivy Parido
