Davao City – Tanan kinahanglang magpakabana ug mahimong kabahin sa mga lakang sa pagkontrola sa pagkaylap sa COVID-19 ug dili lang sa mga giingong ‘chismosa o chismoso kinsa gilantaw nga himuong mga contact tracers
Kini sumala pa kang Councilor Bai Hundra Cassandra Advincula diin atol sa interview sa DXDC RMN Davao, sa iyang personal nga lantaw, tanan makonsiderang mga chismoso o chismosa busa angayang masuta unsay mga kwalipikasyon niini aron himuon siyang usa ka contact tracer.
“Atoang gina-inculcate gyod ang culture of security nato kay kinsa man diay ang magtinan-away diba dili man ta pwedi nga magkanya-kanya lang kay we’re all doing this together,” segun ni Advincula.
Panawagan sa konsehala sa publiko nga magmatinud-anon ug dili taguan ang mga kabanay nga nanguli sa ilahang mga lugar ilabina kung aduna kini’y gihambing sakit.
Pinakamaayong himuon nga pahibaw-on ang Barangays aron magiyahan sila sa mga protocols aron di mokuyanap ang COVID-19 sa ilang mga lugar.
RadyoMaN Aimee Guinita
