Community exercise: Mall participation gidayeg

24

Davao City – Gidayeg sa Task Force Davao (TFD) ang aktibong partisipasyon sa mga Davaoeños sa malampusong 1st City-Wide Culture of Security Community Exercise kagahapong adlawa (October 14, 2020).

Sa interbyu sa DXDC RMN Davao kang Task Force Davao Commander Col. Consolito Yecla, gibutyag niini nga nakita nila ang pag ‘standout’ sa mga mall establishments, diin upat (4) sa top 5 nga nasikop nga nagpaka aron-ingnon nga terorista na-report gikan sa maong establisyemento ug sa kinatibuk-an, mga ordinaryong indibidwal ang mi-report sa mga ‘terorista’.

“Most of the assumed terrorists were reported by ordinary employees which indicates na may community participation,” segun ni Yecla.

Gibutyag sa pipila ka ‘terorista’ nga nakabisita sila sa simbahan apan walay naka-report kanila rason nga matud ni Yecla kini ang angay tutokan sa publiko diin adunay mga nakakita apan pakyas nga na-relay sa kauban o na-report sa awtoridad.

Gibutyag ni Yecla nga 80% sa mga ‘terorista’ ang na-report sa mga Davaoeños diin dako na kini nga porsiento sa unang higayon nga pagpahigayon sa aktibidad.

Nasayran nga sa maong aktibidad, 25 ka mga ‘terorista’ ang gipakatag sa mga dagkong mall, fast food chain, government buildings, simbahan ug bangko sa syudad ug gilayong arestohon oras nga ma-report sa awtoridad.

RadyoMaN Kirby Manzon




Facebook Comments