Davao City – Gikinahanglan manerbisyo og 120 ka oras nga libreng konsultasyon sa publiko ang mga bag-ong mga abugado sa syudad sa Davao.
Sumala ni Intergrated Bar of the Philippines (IBP-Davao) President Atty. Rogelio Largo, subay kini sa mando sa Supreme Court diin ang dili makaabot sa gitaganang oras madeklara isip ‘not in good standing’ rason nga dili sila mamahimong makapagula og notaryo sa publiko ug posibleng muresulta sa ilang suspensyon.
Gani subay sa selebrasyon sa Philippine National Week, maglusad og pinakaunang Community Legal Assistance Services (CLAS) karong Setyembre 22 sa Brgy. Talomo diin maghatag og libreng konsultasyon ang mga abugado sa Davao.
Sa kasamtangan adunay kapin 1, 300 ka mga abugado sa dakbayan diin nadungagan kini og 49 kinsa nanumpa niadtong Hunyo 4.
Kahinundoman nga pormal nga gideklara ang ikatulong semana sa Setyembre isip Philippine National Law Week ilawom sa Presidential Proclamation No. 640, series of 1995.
Tumong niini ang pagpataas sa kasayuran mahitungod sa balaud, katungod ug obligasyon sa balaud, pag-improbar sa administrasyon sa balaud, ug pagrespeto sa lagda sa balaud.
RadyoMaN Jason Amisola
