Kagahapong adlawa bisperas sa Pasko, midagsa ang mga pasahero sa Terminal gikan pa sa buntag hangtod na sa gabie daghan gihapon ang mga pasahero nga buot mo uli sa ilang tagsa-tagsa ka mga lugar aron lang makauban ang ilang mga pamilyang.
Gikan sa bata, hamtong ug mga tiguwang apil sa mga pasahero nga midagsa sa Satellite Terminal didto sa may Brgy. Miputak kagahapong adlawa, gawas sa mga tawo daghan usab nga mga bagahe ang bitbit sa mga sumasakay.
Tungod usab sa kadaghan sa pasahero ilabi ang byahe padulong sa dakbayan Pagadian dugay makasay tungod kay limitado lamang ang mga Bus nga nagbyahian sa maong rota.
Sa pakighinabi ngadto kang Grace usa sa mga pasahero padulong sa Pagadian halos mag usa ka oras ang iyang paghulat sa bus tungod kay kun adunay mo abot nga bus mag ilog ang mga pasahero ug sakay hinungdan maglisod siya tungod kay daghan siya ug mga bagahe.
Dismayado usab si Grace ug pipila ka mga Pasahero tungod kay adunay pipila ka mga indibidwal ang mopahimulos sa kahigayonan sama sa pagbaligya sa pwesto sa bangko ngadto sa mga pasahero.
Kasagara nga ginabuhat mo sakay sila ug mo lingkod sa bangko dayon ilang pabayran sa ilang gikasabot usab nga pasahero, gani nasaksihan pud ning inyong tigbalita ang maong mga pagpahimulos sa pipila kamg indibidwal diha sa may satellite Terminal.
Ilang ibaligya kini ug tag P50 depende na unya kung mo hangyo ka, awhag karon sa mga commuters ngadto sa taga RTMI nga ilang kining badlongon ug dili tugotan nga mohimo sa maong pagpahimulos sa kahigayonan.
