Davao City – Magduha-duha na og sakay og taxi ang usa ka magtutudlo tungod sa gipatumang taxi fare hike karong bulana dinhi sa syudad sa Davao.
Sa pakighinabi sa DXDC RMN Davao kang Yves Santander, usa ka magtutudlo ug residente sa Matina ning dakbayan, bug-at alang sa usa ka pasahero ang pagtaas sa pamasahe sa taxi ilabi na nga mao kini ang dali rang sakyan kung ang usa ka pasahero nagdali sa pag adto sa iyang destinasyon.
Subay kini sa gipatuman sa Land Transportation Franchising and Regulatory Board (LTFRB XI) nga taxi fare hike diin sumala sa buhatan, sukad Oktubre 2017 pa gipabruhan sa Central Office ang maong fare increase.
Sa bag-ong fare hike, anaa na sa kapin gatus ang napailawum sa recalibration sa mga metro sa taxi sukad kaniadtong Lunes diin gipahigayon ang recalibration sa Old Airport, Sasa ning syudad sa Davao.
Matud pa sa mga taxi drivers dinhi sa syudad nga angay lang patas-an ang pletehan tungod usab sa pagsaka sa presyo sa petrloyo sa merkado.
Sa karon, anaa gihapon sa 40 pesos flag down rate ang taxi meter apan duna kini dugang charge nga P13.50 matag km samtang P2 per minute waiting time diin kaniadto, 40 pesos ang flag down rate plus P3.50 per 300 meters plus P3.50 pesos per 2 minutes waiting time.
Padayon ang recalibration sa mga taxi diin laumang sunod bulan mahuman na ug ma-reclaibrate na ang tanang taxi sa dakbayan.
RadyoMaN Renz Barbarona
