Davao City – Aron malikayan ang disgrasya ug luwas ang mga pasahero sa biyahe sa tibuok rehiyon ug sa kasigbit nga mga probinsiya matag bulan ginapahigayon ang regular meeting sa mga bus companies.
Ang regular meeting gipangulohan mismo sa Davao City Overland Transport Terminal (DCOTT) diin ang mga bus companies ginapahinumdoman sa obligasyon sa ilang mga pasahero subay sa luwas nga pagbiyahe.
Gihatagan og bili ni DCOTT Head Aisa Yusop ang pagremind sa tagdumala sa mga bus companies sa paghinumdom sab sa ilang mga drivers diha sa pagtamod sa mga reglamentos sa luwas nga paglawig.
Sa milabay’ng mga adlaw, dili tiaw nga mga disgrasya ang nahitabo sa kanait nga probinsiya diin didto sa Pagadian City siyam ang patay ug kapin 30 ang angol human nadisgrasya ang ilang gisakyan.
Segun ni Yusop nga prayoridad nila ang kaluwasan sa mga pasahero nga musakay gikan sa terminal busa dasig kaayo ang opisyal sa pagpahinumdom sa mga bus companies.
RadyoMaN Joel Viray
