Compliance sa requirements rason sa delayed nga sweldo LGU Davao employees

Davao City – Gina proseso pa ang mga rekisitos sa mga empleyado sa lokal nga panggamhan sa syudad sa Davao rason nga wala pay sweldo sumala ni Edgar Bautista, City Hall Employee Association President human nahinabi sa DXDC RMN Davao.

Segun ni Bautista, daghan pa ang wa ma-comply sa mga requirements sama sa accomplishment report ug uban pa.

Dugang ni Bautista, gisugdan na ang pagpirma sa mga payroll alang sa mga empleyado ug posibleng karon Disyembre 15, 2022 ang pagrelease sa sweldo.

Gipasabot ni Bautista, apil usab nga ginaproseso ang bonus ug gikonsidera nga bag-o lang natapus ang pag-aproba sa supplemental budget No. 4 niadtong adlaw’ng Lunes, Disyembre 12, 2022 sa gipahigayong regular session.

“Unang una, pasalamat ko sa mga empleyado. Ako silang padayon hangyuon ug padayon tabangan si Mayor Baste, Vice Mayor Melchor Quitain ug ang atoang mga departments head atong tabangan aron mapadayon ang kahapsay ug tinarong nga serbisyo para sa atong katawhan sa dakbayan sa Davao,” saysay ni Bautista.

RadyoMaN Don Pulayao