Comply/Mga kandidato nga nagpapili sang Barangay kag SK eleksyon ginaremind sa pagsubmitir sang ila nga SOCE.

6

Ginaremind ni Atty. Jay Gerada, Election Supervisor sang South Cotabato ang mga kandidato nga nagpapili sa bag-o lang natapos nga barangay kag Sangguniang Kabataan eleksyon daug man ukon pierdi nga magfile gid sang ila nga Statement of Contributions and Expenditures (SOCE).
Ginahatagan naman sang 30 ka adlaw pagkatapos sang eleksyon ang mga kandidato nga magfile sang ila nga SOCE.
Suno kay Atty. Gerada bag-o pa man ang pagpiniliay ginpabalo na sang mga election officers ang mga nagpapili nga barangay kag SK opisyal nga may requirements pa sila nga i-comply pagkatapos sang eleksyon.
Samtang sa tion nga mapaslawan nga makafile sang SOCE ang isa ka kandidato bisan pierdi mangin ground ini sang disqualification sa maabot nga panahon.
Nahibaluan nga ang isa ka kandidato sa barangay level ang ginapahanugutan lamang nga maggasto sang P5.00 sa kada botante.

Facebook Comments