Compone ya

UN PERSONA MUNTAO NA MOTORSICLO YA ACTUA COMO UN ACTION STAR NA SINE YA EMPESA REGA DE BALA CON CUATRO PERSONA NA ENTRADA DEL UN DIUTAY PANTALAN CUANTOS PASO LANG DESDE NA CHECKPOINT DEL PULIS Y DEL SOLDAO NA BALIWASAN SEASIDE AYER AGA. EL MAN HERMANO Y HERMANA CANDA MOHAMMAD TAHA PANOLERA SADDALANI, 26 AñOS Y SU HERMANA SI SARAMAEPANOLERA SADDALANI, 35 AñOS DE EDAD JUNTO CON EL DIILA CUñAO SI ALBASAR ABDUL AMIRIL, 37 AñOS DE EDAD Y SI UNTAL FELIX, TA MAN CUENTO NA MISMO ENTRANCE DEL HADJI TAHA WARF QUE BIEN SERCA LANG NA CHECKPOINT CUANDO EL UN PERSONA TA DE JACKET CHOCOLATE Y DE FULL FACE HELMET MUNTAO NA MOTORSICLO YA LLEGA. Y DESPUES YA PARA EL MOTORSICLO ENFRENTE CANILA Y DEREPENTE EL SUSPECHAO YA TIRA CANILA POR DOS BESES. CUANDO PARA SALE EL SUSPECHAO NA LUGAR YA TIRA ESTE OTRAVEZ DOS BESES Y DESPUES YA ENTRABLA PARA NA JUESTE PARTE. CON AMIRIL YA TUPA EL TIRO NA FESCUESO Y YAN LAMPAS, CON MOHAMMAD YA TUPA NA NA DERECHA BRASO ONDE EL CULADO, CON SARAMAE YA TUPA NA CARRILLO MIENTRAS CON FELIX YA TUPA TAMEN NA DERECHA BRASO ON EL CULADO Y NOHAY MAN LAMPAS EL BALA. PERO CON AMIRILA YA DECLARA DEAD ON ARRIVAL MIENTRAS CON EL TRES YA TENE QUE MAN CONFINE. MAGA PULIS TA HACE PA MAS DEL INVESTIGACION ABER PARA PUEDE ARESTA CON EL CRIMINAL.
NEWS2
EL ALCALDE JOHN DALIPE YA CONFIRMA QUE TA PRINCIPIA YA EL COMPONIDA DEL CALSADA NA ENTRADA DEL STO. NIñO VILLAGE NA PUTIK DONDE YA TENE BIEN GRANDE AGUHERO PORCAUSA DEL GRANDE AVENIDA YA PASA DURANTE EL TIFUN PAENG DEL OCTOBRE Y DEL MAS RECIENTE SUVIDA DEL AGUA DEL OTRO SEMANA PORCAUSA CON EL MAL TIEMPO. ASEGUN CON DALIPE YA TARDA LANG UNPOCO EL COMPONIDA DEL CITY ENGINEER PORCAUSA YA TENE PA QUE ESPERA CON EL WATER DISTRICT PARA AREGLA CON EL MAGA TUBU DE AGUA QUE ENTERAO SERCA NA LUGAR DONDE YA TENE AGUJERO. PRESENTAMENTE SERRAO EL CALSADA PARA DALE LUGAR CON EL MAGA TRABAHADOR HACE CABA EL TRABAHO. EL CALSADA DEL STO. NIñO VILLAGE BIEN USABLE PORCAUSA CON EL MONTON DEL MAGA RESIDENTE TA QUEDA ADENTRO DEL MENCIONAO LUGAR.