Sa eksklusibong interbyu sa DXDC RMN Davao kang Police Colonel Alexander Serrano, Davao del Norte Police Provincial Office Provincial Director, i-release nila sa media ang mga composite sketch sa duha ka mga suspek— ang gunman ug drayber sa motor.
Gibutyag ni Serrano, usa sa mga witness ang nakaaktong nakakita sa riding in tandem suspects nga wala naka-masks.
Dili pa maestablisar sa SITG Saquian kung Election Related Incident (ERI) ang pagpatay sa elected barangay chairman ug wala pa gyud silay matumbok nga motibo sa murder case.
“We are given 10 days after the incident to validate whether it is ERI or non-ERI. Wala pay masulti atong SITG kay medyo kulang pa man gud ang amoang imbestigasyon so among ihan-ay usa until such time mag-come up mi og among validation kung ERI ba ni or non-ERI,” segun niini.
Sa pakighinabi sa Provincial Director sa partner ug sa pamilya sa biktima wala kiniy hulga sa kinabuhi sa wala pa mahitabo shooting incident.
Gipadala na sa SITG ngadto sa PNP Crame ang fired cartridge nga narekober sa crime scene para sa ballistic examination.
RadyoMaN Aimee Guinita
