Tukuran, Zamboanga del Sur – Naaktuhan sa kapulisan sa Tukuran ang pag-operate sa usa ka computer shop ug ang pagdula ug computer games sa grupo sa mga menor de edad alas 3:50 kagahapon sa hapon sa Purok Mauswagon, Brgy. Sto. Niño, Tukuran ning probinsya computer units.
Kini bisan pa man sa kasamtangang gipatumang ordinansa sa lungsod sa Tukuran nga nag-regulate sa operasyon sa computer business partikyular sa Piso-Net.
Dihang namatikdan sa grupo sa mga kabataan ang pag-abot sa kapulisan,dali nanalagan ug misibat sa maong dapit ang mga menor de edad.
Nasayrang ang maong dapit kon diin nahimutang ang computer units gidumala sa usa ka nagngalang PEDRITA ANTONIO SARCOS, 49 anyos, minyo ug residente sa maong dapit.
Dugang imbestigasyon nasayran nga ang mga computer piso-net nga gidulaan sa mga menor de edad ang gipanag-iyahan ni DANIEL DUYAG GULIMAN, 45 anyos, minyo ug residente sa Purok Bouguinvilla, Brgy. Sto. Niño, Tukuran ZDS.
Nakumpiska sa otoridad ang walo ka units sa piso-net ug gidala gidayun kini sa Tukuran Police Station, alang sa tukmang disposisyon samtang gikatakdang kasuhan ang mga tag-iya ug nagdumala niini sa kasong paglapas sa Sec. 4 sa Municipal E.O. no. 2020-15 Series of 2020 ug sa Municipal Ordinance no. 13-19-2002, ang ordinansyang nag-regulate sa Operation sa Computer business.
(Photo courtesy: Tukuran MPS)
