ILOILO City – Ginpainan sang tunga sa milyon ka pesos nga pondo ang city civil registrar’s office agud sugoran ang computerization program sang opisina.
Suno kay city civil registrar Romeo Caesar Manikin Jr., ara na sa opisina ni Mr. Chirs Montero, ang executive assistant of Information and Technology ni mayor Jose Espinosa III ang Memorandum of Agreement sa Philippine Statistics Authority ukon PSA.
Magakinahanglan sang pondo nga P4.45 million ang proyekto para sa pagbakal sang software kag paghire sang encoders nga magarecord sang impormasyon nga nabaton sang opisina sugod sadtong 1946.
Ini amo ang mga records sang pagkabun-ag, pagkapatay kag marriage documents kag mga legal instruments.
Sugod 1946, ginabanta nga may 1.5 million records ang city civil registrar.
Photo from web
