ComVal plebiscite ipahigayon

39

Davao City – Desisyonan karong adlawa, Sabado, Disyembre 7, 2019 sa katawhan sa probinsya sa Compostela Valley (ComVal) kung buot niining hingpit nga ilisan ang pangalan sa ilang probinsya ngadto sa Davao de Oro.

Sa interbyu sa DXDC RMN Davao kang Jayvee Tyron L. Uy, gobernador sa ComVal, gibutyag niini nga dako ang benepisyo kung hingpit nang mapulihan ang pangalan sa probinsya.


“We have the chance nga maka rebrand sa atoang province isip one of the provinces sa Davao region. Then we can saturate better when it comes to investment and tourism pag Davao de Oro ang atong pangalan,” saysay ni Uy.

Sa plebisito karong adlawa, makita sa mga botante ang ilang pangalan sa susamang presinto nga gigamit niadtong local ug national election diin didto usab sila moboto.

Sa balota, YES/OO o NO/HINDI ang isulat sa botante nga tubag sa usa ka pangutana kung musugot ba kini nga ilisan ang pangalan sa ComVal ug himuong Davao de Oro.

RadyoMaN Kirby Manzon

Facebook Comments

From Advertisers