Comvaleños gi-awhag nga moboto sa plebisito

Davao City – Sama sa normal nga eleksyon, gi-awhag karon ni Compostela Valley (ComVal) Governor Jayvee Tyron L. Uy ang mga taga-ComVal labi na kadtong nagtrabaho gawas sa probinsya nga mopartisipar sa taliabot nga plebisito o ang pagboto sa pag-ilis sa pangalan sa ComVal ngadto sa Davao de Oro.

Sa interbyu sa DXDC RMN Davao kang Uy, gi-awhag niini ang tanang taga-ComVal nga mopartisipar sa umaabot nga plebisito nga himuon sa Disyembre 7, 2019.

“Ako muhangyo ninyo nga inig abot sa December 7. Saturday man na, wala man tay trabaho niana, kasagaran. Ako muhangyo ninyo nga mo-uli gyud ta ug muboto gyud ta,” tataw ni Uy.


Saysay ni Uy nga makonsidera sumala pa kining makasaysayanon nga aktibidad o historical event alang sa probinsya diin kung hingpit na kining mahimong Davao de Oro, gilauman ang paglambo pa sa lugar labi na gayud sa turismo.

RadyoMaN Kirby Manzon

Facebook Comments