Roxas City, Capiz – Naglab-ot na sa 642 ang kumpirmado nga kaso sang COVID-19 sa syudad sang Roxas matapos nga may yara sang apat ka mga panibag-o nga narekord ang City Health Office(CHO) kahapon nga adlaw, Enero 3, 2021.
Pila sa ila ang ginakabig nga mga high risk contact sang nauna nga positive case.
Kadungan sini, may isa man ka Recovered Case.
Kalakip sa mga nalista nga kumpirmado nga kaso amo ang 60- anyos nga babayi, pumoluyo sang Nasagud, Lanot, Roxas City.
41- anyos nga babayi, pumoluyo sang St. Joseph, Barangay Tiza, Roxas City, isa ka high risk contact sang nauna nga nagpositibo.
Positibo man sa COVID-19 ang walo ka tuig nga bata nga babayi, pumoluyo sang St. Joseph, Tiza, Roxas City, isa ka high risk contact sang nauna nga nagpositibo.
Kag ang 43- anyos nga lalaki, isa ka seafarer kag pumoluyo sang Alba Village, Barangay Dinginan, Roxas City.
Sa subong, may yara na lamang sang 11 ka mga aktibo nga kaso sang COVID-19 sa Roxas City; 594 ang mga recovered cases; kag 37 ang nagkalamatay bangud sa amu nga balatian.
