Confirmed COVID-19 cases sa probinsya sang Capiz, 60 na ka bilog matapos ang apat ka mga kaso nga nadugang!

247

Roxas City, Capiz- Naglab-ot na subong sa 60 ang kabug-osan nga kaso sang COVID-19 sa probinsya sang Capiz matapos nadugangan sang apat ka mga nagpositibo kahapon nga adlaw, Hulyo 28, 2020.
Basi ginpaguha nga datos sang Capiz Provincial Health Office(PHO), positibo ang 23- anyos nga babaye nga taga-banwa sang Cuartero nga may travel history sa Binan City, Laguna.
Positibo man ang 21-anyos nga babaye nga tagabanwa sang President Roxas nagikan sa Caloocan City, Metro Manila.
Nagpositibo man ang returning overseas Filipino(ROF) nga tagabanwa sang Panit-an nga halin sa Spain kag Abu Dhabi.
Samtang nadugangan man sang positibo ang kaso sa Roxas City. Ini ang isa ka lalaki, 31- anyos kag taga-Inzo Arnaldo Village, Roxas City. Siya may history of travel halin sa China, nagpadulong sa Davao kag Manila antes makapauli diri sa Roxas City.
Nahibaloan nga sa kabug osan nga 60 ka mga kumpirmado nga kaso, ang syudad sang Roxas ang may pinakadamo nga naglab-ot na sa napulo(10) ka mga kaso sang COVID-19.
📷 Capiz PHO

Facebook Comments