Human sa migawas nga mga balita nga matod pa imbistigahan si Romeo “Nonong” Jalosjos may kalabot sa gika-alegar nga “land-grabbing” didto sa Isla sa Selinog, tungod kay magpadala matod pa ug imbistigador ang malacañang sa dakbayan sa Dapitan kini human nadawat matod pa ang sulat reklamo nga gipadangat sa katawhan sa Selinog ug sa pipila ka mga opisyales.
Ang mipadangat ug reklamo mao si Amado A. Balucan uban sa iyang mga igsuon kinsa ilang gipamugos nga sila ang mga lumad nga tawo sa maong isla ug yuta sa ilang apohan nga si Demetrio Aguaren.
Butyag pa sa reklamante nga si Amado Balucan, gihanyagan matod pa siya sa kantidad 2 milyones ni Nonong Jalosjos para paliton ang iyang luna apan wala kini niya gitugot tungod kay wala na sila laing yuta nga kapuy-an.
Tungod niini, gikuhaan ug pamahayag ning inyong tigbalita si 1st District Congressman Seth Fredereck “Bullet” Jalosjos kun unsa ang iyang mamahimong pamahayag sa gipasaka nga reklamo sa iyang amahan.
Tik-op ang baba ni Cong. Bullet Jalosjos, tungod kay wala siya’y kasayuran sa maong nang gawas nga balita sa gipasaka nga reklamo sa pamilyang Balucan, hinungdan nga dili siya makahatag ug komento o reaksyon.
Gi dugang pa ni Cong. Bullet Jalosjos, iya nalang isalig sa iyang abogado para mao na ang mohatag ug katin-awan kun unsa ba katinuod ang maong mga alegasyon nga gibato sa iyang pamilya.
Sa katapusan gi butyag usab ni Cong. Jolosjos nga magpa gawas pud siya ug balita sa Common report sa Dangerous Drugs. Kahinumduman una naman kining gidungog sa kongreso ug ulahi niini mao ang 4th congressional hearing onthe Illegal Drug Trade dinhi sa Zamboanga del Norte ug lakip si Gov. Roberto Uy ang giimbistigahan ug pipila ka mga dagkong opisyal sa PNP Zamboanga del norte.
Kini ang angay atangan sa katawhan sa Zamboanga del norte kun unsay resulta sa ilang gihimong imbistigasyon sa gika ingon nga illegal drug trade, dinhi sa probinsya sa Zamboanga del norte.
