Himoong priyoridad ni Iligan City Lone District Congressman Frederick Siao ang pagduso ug pag-apruba sa balaodnon nga naghatag og pagtagad sa swelduhan ug mga benepisyo sa mga empleyado sa gobyerno.
Kini human sa iyang pagkapili nga maoy mamahimong chairman sa Committee on Civil Service and Professional Regulations atol sa plenary session sa 18th Congress niadtong nakalabay’ng semana.
Matud pa ni Siao, kinsa anaa na sa iyang ikaduhang termino sa kongreso, nga mga empleyado sa national ug sa local nga level ang naglangkob sa maong himoong balaodnon.
Gawas niini, trabahoon usab ang pag-update sa nagkalain-laing propesyon ug ang pagpalambo sa Professional Regulation Commission ug siguruhon ang patas nga pagpatuman ug pagpadayon sa professional education ug mga trainings.
Niadtong 17th Congress, nagsilbi si Siao nga vice chairman sa House Committee on Tourism.
