‘Congestion stress’ suicide-inducer

26

Davao City – Gituhuan karon nga ang kadaghan sa gihambin nga problema sa usa ka tawo maoy sagad hinungdan sa pagpakamatay kun suicides.

Sumala ni Philippine Mental Health Association (PHMA) Davao City Executive Director Precious Manliguez, ‘congestion stress’ nga wala mapagawas ug wala matagai sa pagtagad sa iyang miyembro sa pamilya moresulta sa paghunos sa kinabuhi.

Matud ni Manliguez, angayang masabtan nga kini nga isyu may kalabutan sa emotional stability sa tawo ingon man medical condition diin posibleng hinungdan nga magpakamatay ang tawo kun disbalansyado na unya ang maong sitwasyon.

Giklaro karon sa PMHA Director nga aron malikayan ang suicides, gikinahanglang adunay i-montar nga mental health education campaign diha sa mga eskwelahan ug sa kabarangayan.

Dili kita angay maulaw sa pagpa-check up sa atong mental health condition aron kita matabangan, panapos nga sugyot ni Manliguez.

RadyoMaN Bernard Pantallon

Facebook Comments