TACLOBAN CITY – Nakasakob ha top 10 han november 2018 Nurse Licensure Examination an tulo nga Taclobanon.
Nan-gradwar an mga ini ha Remedios Trinidad Romualdez Medical Foundation (RTRMF)-College of Nursing ha Tacloban City.
2nd place hi Kathryn Angelie Bugho nga may rating nga 86.80%; 7th place naman hi Angelae Priscilla Cahilig; ngan 9th place hi Arianne Grapilon nga may rating nga 85.00%.
Ginkokonsidera han tulo nga kababanyin-an nga regalo ha ira yana nga kapaskuhan nga nakapasar hira han exam ngan apil pa ha Top 10.
Nagpapasalamat naman an RTRMF tungod nga 100% passing performance an eskwelahan han nasabi nga examination.
Ginrelease han Professional Regulation Commission (PRC) an resulta han exam dida han byernes.
4,811 an nakapasar ha 12,033 nga nag-exam ha bug-os nga Pilipinas.
Hi Jennifer Jacob Quirante tikang ha University of Santo Tomas an Top 1 nga may rating nga 87.80%.
