Ginpierde sang Senior League Asia Pacific nga ginarepresentar sang Pilipinas ang Texas District 9 Little League sa 2018 Senior League Softball World Series sa Lower Sussex, Delaware sang Lunes, Agosto 6.
Gintapos ang hampang sa score nga 7-0 pabor sa Pilipinas.
Apesar nga Tanauan Little League sang Batangas ang team nga nagarepresentar sa pungsod, pila naman ka Ilonggo players ang miembro sang team.
Lakip sa mga Ilonggo players gikan sa Pototan sanday Mae Langga, Angel Kaye Bedaño, Kayhy Nueva, Royevel Palma kag ang mga taga-Bacolod nga sanday Jeelyn Pajotal kag Neelyn Pajotal.
Ini ang pinakauna nga higayon nga nagkampeon ang Asia-Pacific region sa Senior League World series.
Gindayaw naman ang ginpakita nga abilidad kag winning pitch ni Ryevel Palma sa diin nakahatag ini sang 15 ka striking out kag “two hits and zero runs” sa 7 ka innings sang hampang.
Nag-amot man sang puntos sa hampang sanday Marika Joana Manaig, Palma kag Mae Langga.
Photo from littleleague.org
