Roxas City, Capiz- Nakuha sang Roxas City Fire Station ang Special Unit Award- Best in Media Relations(City Category) matapos nga ginpaidalom sa evaluation ang 18 tanan ka mga rehiyon sa pungsod Pilipinas.
Suno pa sa Information Officer nga si SFO2 Marlon Garbo, nakuha nila ang amu nga award matapos nga napa-bilid ang nagpadulong nga membro sang national evaluators kun sa diin nadiskubrehan snag mga ini nga may yara sang kaugalingon nga information section ang Roxas City Fire Station.
Suno pa kay Garbo, dako man nga kontribusyon ang masangkaron nga information dissemination nga ginparesan pa sang ila maayo nga relasyon sa mga katapo sang media kabangdanan nga madasig nga napalab-ot sa publiko ang mga imnpormasyon nga halin sa ila ahensiya.
Samtang maluwas sa Roxas City Fire Station, ginkilala man bilang Best in Personnel Readiness(Regional level) ang BFP Region-6.
Natalana naman nga igapatigayon ang awarding ceremony sa BFP Anniversary sa maabot nga Agosto 2, 2018 sa AFP Commissioned Officers Club(AFPCOC) sa Camp Aguinaldo, Quezon City.
photo © Rcfs Bfp
