Ya ordena el Congresista Celso Lobregat con el Department of Public Works and Highways (DPWH) para conduci el imedietamente rehabilitaccion del fuente de Patalon que ya man timpak ayer aga amediante del fuerte avenida y aguasero na ciudad.
Si Lobregat ya abla cay necesita insiguidas rehabilita con el fuente porcausa cay este solamente el access road desdel sentro del ciudad para na Labuan y Limpapa.
Cumbiene asegun hace initiativa de pronto el DPWH para fuede pa salva con el straktura antes este mas emblandya porcausa del ta continua aguasero este dia.
Fuera de este, chene tambien cuantos mga rip-rap y mga camino el ya destrosa na avenida que ta manda tambien man assess el congresista para fuede rehabilita insiguidas. – *Bhong Simbajon/RMN News*
