Congressman Paolo ‘Pulong’ Duterte nagpositibo sa COVID-19

Davao City – Mipaabot og ‘get well soon’ message si Davao City Mayor Sara Duterte human nga nagpositibo sa Coronavirus Disease 2019 (COVID-19) ang igsoon niini nga si Davao City 1st District Representative, Congressman Paolo “Pulong” Duterte.

Gibutyag ni Mayor Sara (sa interbyu sa city-owned radio) nga nakuha ang swab test result niadtong Domingo (September 26, 2021) ug na-release ang resulta karong adlawa (September 27, 2021) ug didto nasayrang kini nagpositibo sa COVID-19.

“Magpaabot ‘ta sa atong “Get well soon” kay Congressman Paolo Duterte. He tested positive for COVID-19 kaganinang buntag. September 26 gikuha ang swab niya then ang release sa iyang result is September 27. I’ll call him and ask him kung duna ba siyay symptoms o wala,” butyag sa alkalde.


Sa statement sa Office of Representative ni Pulong Duterte, gikabutyag nga anaa ang Kongresista sa ospital samtang naka-quarantine karon ang pamilya niini sa ilang balay. Gikumpirma usab nga wala nagbaton og severe symptoms si Pulong.

Nagpasalamat kini sa tanang mipaabot og pag-ampo kaniya sa iyang tibuok pamilya.

Gipaniguro usab ni Pulong Duterte ang pag-comply sa quarantine protocols ug padayong maserbisyohan ang katawhan bisan og kini naka-isolate.

Kahinumduman nga niadtong Hulyo 2021, nagpositibo usab sa COVID-19 si Vice Mayor Sebastian ‘Baste’ Duterte.

RadyoMaN Kirby Manzon

Facebook Comments