Ginpanginbulahan ni 5TH District Congressman Raul “Boboy” Tupas ang pamunuan sang Police Regional Office-6 lakip na sanday Police Chief Superintendent Cesar Binag, PRO-6 Director kag si Iloilo Provincial Police Office Director Police Senior Superintendent Marlon Tayaba kag ang team nga nagpatigayon sang operasyon agud madakpan ang mag-amay nga Arturo Balume Sr. alias Master Pedic kag Arturo Balume Jr. alias Turing nga amo ang lider sang Balume Drug Group lakip na ang mga goons sa Quinto Distrito.
Suno kay Tupas, pamatuod lamang ini nga wala nagauntat ang kapulisan sa ila kampanya kontra illegal nga droga agud madakpan ilabi na ang mga drug group leader.
Dugang pa niya nga dako ang epekto sang pagkadakop sa mag-amay nga Balume sa paghagan-hagan sang krimen ilabi na sa Quinto distrito.
Nagapasalamat man si Tupas sa mga pumuluyo nga padayon nga nagakooperar sa kapulisan.
(photo from web)
