Gilauman ni Lone District of Iligan Congressman Frederick Siao nga dunggon sa National Inter-Agency Task Force on COVID 19 ug sa Department of Interior and Local Government o DILG ang iyang hangyo nga unta una ipabyahe sa ilang mga lugar ang mga Locally Stranded Individuals ug Returning OFWs ipailalom sa kini sila sa RT-PCR Test o swab test.
Kini aron masigurong, wala silay dalang virus samtang nagbyahe pa-uli sa ilang tagsa-tagsa ka mga probinsiya, munisipyo ug syudad.
Nakita man gud ni Congressman Siao ang kalit nga pagsaka sa nag-positibo sa COVID 19 karong panahona gumikan sa mga gapanguli nga LSI ug ROF.
Kini gumikan, igo lamang sila gi rapid test ug wala ang gitawag nga swab test.
Sa maong pamaagi nagtoo si Siao nga dali nalang unya dayon pagsuta sa mga gapanguli kun positibo o negatibo sila sa COVID 19.
