Maga pulis ya conose ya con el cadaver del un mujer ya encontra na Vladez Drive, Governor Lim Avenue na Zone IV, del Huwebes aga.
Con el victima ya nombra como si Marife Gallo Pansoyu, 42, de San Roque.
Ya puede tambien aresta el maga pulis consu live-in-partner si Marvin Napalcruz Rebollos con quien ta insinia maga testigo como amo el hechor na matansa con Pansoy.
Asegun na report delo pulis quierre ya saparta si Pansoy con Rebollos despues este ya sabe tiene este otro con quien ta en loquia mujer.
Si Pansoy, quien un masahista, ya habla consu pamilia que ta amenasa si Rebollos conele mata si ay purcigi le déjà con este.
Del Miercoles denoche tiene quien ya mira canila dos ya junto na San Jose Road y hasta cuando ya anda sila na Valdez Drive, Gov. Lim Avenue na Zone IV tiene siempre canila quien ya columbra.
Despues lang del cuantos minuto tiene siempre quien ya mira ya sale si Rebollos na lugar solo-solo ya lang hasta ala mañana ya descobri ya el cadaver di Pansoy.
Asegun con el pulis yah ace palipit el fescueso di Pansoy que amo ya causa su muerte.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
