El consejal Rudy Lim del Destrito Uno ya man-deliver el un priviledge speech este dia durante el regular session del consejo local donde ta questiona le el legalidad del pasada del 3.422 bilyones de pesos Executive Budget del govierno local para el año 2018.
Asegun con Lim,ya man railroad con el pasada del mensyonao budget cay ya apruva coneste el mayoriya del mga consejales del administrasyon por el llamada del un special session y ya pasa coneste por el primero,segundo y treser lejida unavez lang.
Si Lim ya abla cay manada mga provisyon del 2018 budget questionable y ele mismo ta pidi clarificasyon antes coneste pasa,sin embargo, insiguidas coneste ya apruva el presente mayoriya. Ni nuya man gane asegun presente y hace pregunta con el mga hede del cada departamento por el aclaramiento del consejo.
Si Lim ya pasa resolusyon desfues del su descurzo para pidi con el Departamento de Budget ta pidi el opinyon legal y el validity del mensyonao budget. – Bhong Simbajon/RMN NEWS
