Hay esta asegun na su trabajo como consejal el Honorable Charlie Mariano y hace su trabajo como lo que deve en tiempo si nuay pa algun final documento de desqualificaccion desdel Commission on Elections (COMELEC) que hay recivi el su oficina.
Na entrevista del RMN Zamboanga enantes aga, el Presiding Officer y Vice-Mayor Ceasar iturralde ya abla cay permiti ele con Mariano esta na fuesto y continua el su trabajo lo mismo dale conele el su mga beneficio hasta el tiempo que recivi ele con el oficial comunicaccion desdel ahensya. Hasta aura, desfues sale el desisyon del COMELEC EN BANC que ta desqualifica con Mariano del pasao eleccion local, nuay pa recivi copya del final resolusyon el su oficina, donde ele ta cumfundi que hay man file tambien Temporary Restraining Order (TRO) el consejal Mariano como cosa sila ta expecta.
Como un trabajador consejal, grande perdiccion si Mariano na diila organisasyon, en tiempo si dimiti ya esta na su fuesto como cosa mandato de ley.
Si ta acorda, el grupo political amarillo ya planta caso de disqualification del pasao eleccion contra con Mariano porcausa con el su caso que ta emfrenta. – *Bhong Simbajon/RMN News*
