Durante el diila special session enantes aga, el consejo local de Zamboanga ya apruva con el 3.4 bilyones de pesos budget del entero ciudad por el año 2018.
El consejo cuantos proviciones lang del mensyonao profuesto budget el ya chene que clarifica el cuantos myembros del consejo, que donde llegar el clarificaccion y el justificaccion desdel qien ya propone el pasada del mensyonao profuesto, y achene que pasa lang syempre el mayoriya coneste total cantidad para opera el govierno local con el manejada del ciudad pormedio del tal annual budget.
Asegun con el consejal Bong Atilano, prioridad syempre na seguridad, educaccion y salud amo el primer atenccion del presente administraccion.
Ya subi tambien el alocaccion para el servicio publico que ta necesita el govierno local especialmente en tiempo de calamidad.
Fuera de este, alto tambien el alocaccion na mga proyecto de infrastractura que ta necesita el publico base na cosa ya recomenda el ofisina del inhinyero del ciudad.
Por su parte, el alcalde Beng Climaco-Salazar ya rendi gracias con el mga consejales del fueblo por el suporta y el pasada del 2018 budget del govierno local. – *Bhong Simbajon/RMN News*
