Davao City – Padayon pa gitambalan sa Southern Philippines Medical Center (SPMC) ang construction helper nga si Robert Gallera, 40 anyos nga taga Carmelite, Block 2 Road, Bajada, Davao City kinsa gipusil sa suspek nga nailang Resty Montargo, 32 anyos, taga Belisario Subdivision ning syudad.
Sa interbyu sa DXDC RMN Davao kang Police Police Executive Master Sargeant Domenic Patajo, imbestigador sa Bajada Police Station, gisulti niini nga anaa pa sa Intensive Care Unit (ICU) ang biktima og gikatakdang operahan karong semanaha human nakaangkon og napulo ka mga samad pinusilan sa lawas ug tulo kaigo sa ulo nga bahin.
Nahinabi sab sa DXDC News Team si alias Inday nga pag-umangkon sa biktima nga pursigido nga mopasaka sila og kaso batok sa suspitsado og gipaklaro nga wala malambigit sa pagpangawat ang biktima.
RadyoMaN Don Pulayao
Facebook Comments
