KALIBO, AKLAN — Malipayon nga ginbalita ni Mayor William Lachica sa RMN DYKR Kalibo sa programang Straight-to-the-Point nga paga umpisahan eon sa masunod nga buean rong pag construct it hanging bridge nga maga konekta sa Brgy. Bakhaw Norte.
Suno kay Mayor Lachica, nga pinaagi sa nasambit ngara nga proyekto hay mataw-an eon it sabat ro mabuhay nga handum ku mga residente sa nasambit nga barangay.
Natigayon ro nasambit nga proyekto pinaagi sa Bottom-up Budgeting (BUB) kung Department of Interior and Local Government Unit (DILG) nga may budget nga naga abot sa may kapin 31 milyon.
Ro nasambit nga hanging bridge hay sarang maagyan it motorsiklo, tricycle ag ibang maugan nga 4 wheels.
Samtang, ginbalita man ni Mayor Lachica nga nag adto man imaw sa opisina ni Sen. Win Gatchalian para magpangayo man it budget para sa hanging bridge nga maga konekta mat-a sa Bakhaw Sur ag suno kana gin pabutang eon sa budget for CY 2018 ko opisina ni Sen. Gatchalian.
