Construction sa condo sa Buhangin gipaundang samtang nagpadayon ang imbestigasyon

Davao City- Gipahunong sa Office of City Building Official (Ocbo) ang tanang construction works sa condominium sa may Buhangin diin duha nahulog ug namatay ang duha ka mga magsuong construction workers.

Segun ni Khash Toghyani, Ocbo officer-in-charge, adunay nakitang stuctural failure sa ginatrabahong condo nga ilahang nakita sa nagpadayong imbestigasyon.

Adunay gipahigayong third party investigation uban ang mga ekspertong gipang-imbitahan sa OCBO ug testing aron masayran kung asa ang problema kun failure sa maong condo.

Gipahunong usa ang construction works aron masegurong dili masubli ang trahedya.

Gibutyag ni Toghyani, makabalik lang ang trabaho sa maong condo kung makumpleto sa contractor ang rekwisitos sa Department of Labor and Employment (DOLE) Region 11 ug sa OCBO nga magpamatuod nga luwas ang ilahang istruktura.

Segun niini kumpleto ang papeles apan lakip sa sayron sa imbestigasyon kung natuman ba kaha ang anaa sa naaprubahan sa ilahang mga permits.

RadyoMaN Aimee Guinita