Nag-file sang petisyon sa korte si Vice-mayor Mario “Nonon” Golingan sang banwa sang Estancia para sa Temporary Restraining Order batuk sa construction sang Gaisano grand sa merkado sang nasambit nga banwa.
Ini bangud ginpahayag ni Golingan nga tuman ka disbentaha para sa Estancia ang kontrata sa tunga sang Munisipalidad kag sang Gaisano.
Suno kay Golingan nga base sa kontrata, magapabilin sa banwa ang Gaisano sa sulod sang 25 anyos nga wala sang bayad sa rental, kag ginasaad man sa kontrata nga wala dapat sang iban nga kaangay sa ila nga establisimiento ang magsulod sa banwa sa sulod sang lm aka tuig, kag pagkatapos sang 25 ka tuig, may option sila kon magpadayon ukon indi sang ila negosyo.
Suno sa bise-alkalde nga pabor gid lamang sa Gaisano ang kontrata kag wala gid sang maayo nga madulot sa banwa kag sa mga pumuluyo.
Subong nga adlaw, hiwaton ang hearing sa RTC branch 66 sa Barotac Viejo angut sa ginfile nga TRO ni Vice-mayor Golingan batuk sa Gaisano.(sspunay)
