ILOILO CITY – Gin-ako ni DPWH 6 Asst. Regional Dir. Al Fruto nga tuman ka challenging ukon mabudlay ang construction sang 100-million peso drainage project sa dalan General Luna kag Jalandoni.
Ini bangud nga malambot sang tubig ang construction site sa tagsa ka magtaub.
Subong man ginpahayag ni Fruto nga naggamit na sang pila ka sistema ang contactor nga Sargasso Construction and Development Corp. agud mapadayun ang construction.
Pahayag ni Fruto ginapontohan sang contractor ang schedule sang taub.
June pa sang ginpadal-an sang sulat sang DPWH ang contractor bangud sang ila negative slippage ukon delay sang proyekto.
Base sa revised schedule January 2018 ang target completion sang proyekto.
Ang proyekto kabahin sang comprehensive drainage plan sang syudad nga ginalauman nga magapahaganhagan sang pagbaha sa syudad.
