ILOILO CITY – Nagakabalaka ang expert sa mangin epekto sang construction sang slope protection sa mga mangroves sa Iloilo river.
Ini matapos may nakita na nga nagabag-o ang kahimtangan sang mga mangroves nga palatandaan nga amat-amat ang pagkapatay sang mga ini.
Apektado ang mga mangroves sa Iloilo bridge kun sa diin nagaumpisa ang slope protection sang esplanade 4-6 nga magadangat sa Rizal sa distrito sang La Paz.
Ginsiling ni retired scientist kag mangrove specialist nga si Jurgenne Primavera nalumos sang tubig ang mga gamut sang mangrove bangud sang pagbutang sang dike.
Ginpaathag sini nga duna na sa mangroves nga dapat exposed sa init ang ila gamut halos sa tanan nga oras.
Importante man ang tidal flow sa normal nga pagkabuhi sang mga mangroves.
Nagaedad na sang halos 20 anyos ang mga mangoves nga kalabanan mga bungalon.
Bangud sini nga observation magasapol ang Iloilo Batiano River Development Council agud hambalan ang ini nga problema suno kay City ENRO Engr. Noel Hechanova.
Una diri gin tawag man ni DENR Dir. Jim Sampulna ang atensyon sang DPWH agud hatagan sang sabat ang reklamo.
